ចូលរួមរំលែកទុក្ខផង ឪពុករបស់ គឹម លីហ្សា ទទួលមរណភាពហើយ

ភ្នំពេញ៖ ថ្មីៗនេះ តារាស្រីដ៏មានប្រជាប្រិយភាព អ្នកនាង គឹម លីហ្សា បានបង្ហោះសារទុក្ខធ្ងន់ទៅក្នុងបណ្ដាញសង្គម ដែលឪពុកបង្កើតរបស់នាង បានទទួលមរណភាព។ ជាមួយគ្នានេះដែរ មានបងប្អូន មហាជន នាំគ្នាចូលខមិនចូលរួមរំលែកទុក្ខជាច្រើនហូរហែ។

ងាកមកមើលសារបង្ហោះរបស់ អ្នកនាង គឹម លីហ្សា នាងបានសរសេររៀបរាប់យ៉ាងដូច្នេះថា ប៉ាបានទៅឋានដែលសុខហេីយ​  Kem Chiva ​លោកប៉ា​ គឹម​ ជីវ៉ា​ អាយុ​ 69​ ឆ្នាំ។ 

សារបង្ហោះនេះ ក៏បានភ្ជាប់ជារូបភាព ឃើញហើយពិតជាខ្លោចចិត្ត ដែលធ្វើឲ្យមហាជននាំគ្នាបង្ហាញក្ដីសោកស្ដាយ និង អាណិតអាសូរចំពោះរូបនាង ដែលបានបាត់បង់ឪពុកតែម្នាក់គត់។ ពីក្រុមហ៊ុន ខ្មែរឡូត សូមចូលរួមរំលែកទុក្ខដល់គ្រួសារនៃសព និង ចូលរួមសោកស្ដាយដល់អ្នកនាង គឹម លីហ្សា ផងដែរ៕